বাংলাদেশ মণিপুরী ছাত্র সমিতি (বামছাস)না লৌখিবা স্কোলারশিপ ফংবশিংদা মনা য়েন্থোকখ্রে
সিলেট, জুলাই ১৮: ঙরাং ১৭ জুলাই, ইরাই নুমিৎ সিলেট টাউনগী কেন্দ্রীয় মুসলিম সাহিত্য সংসদকী অডিটরিয়ামদা বাংলাদেশ মণিপুরী ছাত্র সমিতি (বামছাস) না শিনলাংদুনা প্রাইমারী অমদি জুনিয়র স্কোলারশিপ ২০২৬কী মনা য়েন্থোকপগী থৌরম পাংথোকখ্রে।
বিথিকা সিনহানা কন্ডাক্ট তৌখিবা থৌরম অদুদা থৌরম মপু ওইনা খোন্জেল মীতৈ, জয়েন্ট সেক্রেটারী, বামছাস অমদি চীফগেস্ট ওইনা ৱারোল পিখি মেট্রোপলিটন ইউনিভার্সিটিগী বিজনেস অ্যাডমিনিস্ট্রেশন ডিপার্টমেন্টকী হেড ড. তোফায়েল আহমদ। থৌরম অদুদা মরূ ওইবা ৱাঙাংলোইগী স্পীচ পিখি বামছাসকী এডভাইজর, এন এম এডুকেশনাল ট্রাস্টকী চেয়ারম্যান নন্দলাল সিংহ। স্পেশাল গেস্ট ওইনা শরুক য়াখি হলিসিটি পাবলিক স্কুল অ্যান্ড কলেজকী ফাউন্ডার প্রিন্সিপাল সাইফুল করিম চৌধুরী হায়াত, বাবনিয়া সরকারি প্রাথমিক বিদ্যালয়গী সিনিয়র শিক্ষক অমদি বামছাসকী এডভাইজর বীরেন্দ্র কুমার সিংহ, জার্নালিস্ট আব্দুল হাছিব, মহৈরোয়শিংগী মায়কৈদগী ইচেল থোইবা অমসুং অরুন মনি সিংহসু ৱা ঙাংখি হায়রি। পনবা য়াবদি, বামছাসকী চীফ এডভাইজর অসেম সত্যজিৎনা স্কলারশিপকী মরুওইবা থৌদাং লৌখিবনি হায়রি।
চীফ গেস্টকী ৱারোলদা ড. তোফায়েল আহমদনা হায়খি- স্কলারশিপ অসিনা মহৈরোয়শিংবু হেন্না পুক্নিং থৌগৎলি। বাংলাদেশ মণিপুরী ছাত্র সমিতি (বামছাস)না মতম শাংনা মহৈরোয়শিংগীদমক অফবা থবক কয়ামা মায় পাক্ন পাংথোকলি। মণিপুরী মহৈরোয়শিংনা কত্থোকলিবা ইডুকেশন, লিটরেচর, কলচর ঙমখৈ চাউখৎপদা থৌদাংসু লৌবিরি। মদুগীতমক্তা ঐখোয় চাউথোকচৈ।
0 কমেন্ট:
কমেন্ট তৌবিয়ু