• 4
• ১২ই জুন ২০২৬ ইং
• Share on:

ত্রিপুরাদা ইহান হানবা নুপী খক্তগী ওইবা নেশনেল সেমিনার পাঙথোক্কদৌরি

 আগরতলা, জুন ১১ : ত্রিপুরাদা মরাং কায়না সেমিনার সিম্পোজিয়ম নচিংবা নৈন থৌরম পাঙথোক্নরক্লি। অদুবু নুপী খক্তগী ওইবা ইহান হানবা ওইনা আগরতলাদা নেশনেল সেমিনার অমা পাঙথোক্কদৌরি। নোংমাইথেম ফাউন্ডেশন ইম্ফালনা তখেল্লৈ তেঙবাং লুপ ত্রিপুরাগা খুৎশম্নরগা লাক্লিবা জুলাই তাং ২৫ নজরুল কলাক্ষেত্রগী সাহিত্য একাডেমি অডিটোরিয়মদা মৈতৈ নুপী খক্তগী ওইবা নেশনেল সেমিনার অমা পাঙথোক্কনি। সেমিনার হৌদোকপগী থৌরমদা ডি.এম য়ুনিভার্সিটি মণিপুরগী পোত্থারবা মণিপুরী এইচ.ও.ডি  ড. রাজকুমারী মুসুকসনা দেবীনা চীফ গেষ্ট ওইগনি। অদুগা গেষ্ট অব অনার ওইনা সাহিত্য একাডেমি এৱার্ডি সোরোকখাইবম গম্ভিনী অমসুং পোত্থারবা ডেপুটি ড্রাগ কন্ট্রোলার ৱাই কাঞ্চন সিনহা শরুক য়াগনি। থৌরম অদু তেঙবাং লুপকী ভাইস প্রেসিডেন্ট সিজা মলিনানা থৌরম মপু ওইগনি হায়রি। থৌরমদা এন.আই.টি আগরতলাগী ড. অনুরাধা নোংমাইথেম না ওক্না ৱারোল পীগনি। মথং মনাও নায়না সেসন অহুম থোক্না পাঙথোক্কদবা সেমিনারগী অহানবা সেসনদা ড. আরকে মুসুকসনানা চেয়ার লৌগনি। মদুদা এল মীনা, সিজা মলিনা, কেএইচ সৈব্যানা সেমিনার পেপার পাথোক্কনি। অনীশুবদা সোরোকখাইবম গম্ভিনীনা চেয়ার লৌরগা খোইস্নাম বীরলা, কেএসএইচ মাধবী, এইচ বেবী অদুগা অরোইবদা কেএইচ মাধবীনা চেয়ার লৌরগা কেএইচ সুদেষ্ণা, এল আশা, কেএইচ অনিমা অমসুং সিজা পূর্নিমানা পেপার পাথোক্কনি হায়রি।
অরোইবদা ড. নোংমাইথেম অনুরাধা না শৈদিন মপু ওইরগা নুপী খক্তগী ওইবা শৈরেং শৈদিন্নবগী থৌরম অমসু পাঙথোক্কনি হায়রি।

 সোর্স - মরূপ